ROXAS CITY – Kampante ang pamunuan sang Department of Interior and Local Government (DILG) Capiz nga wala sang alkalde gikan sa probinsiya sang Capiz nga nga malakip sa pagapasakaan sang reklamo sa Ombudsman bangud sa kapaslawan nga makatukod sang anti-drug abuse council.
Ini ang ginpahayag ni DILG-Capiz provincial director John Ace Azarcon sang mainterview sang Bombo Radyo Roxas.
Suno kay Azarcon, compliant ang tanan nga 17 ka mga alkalde sa bilog nga probinsiya sa pagtukod sang (ADAC) bilang pagpakita sang suporta sa kampanya batuk sa ilegal nga droga sang gobyerno.
Ginpahayag sini nga iya man nakit-an ang pagtinguha sang mga local chief executives agud dalayon na nga madeklarar nga drug-cleared province ang probinsiya.
Apisar indi perpekto pag-abot sa ‘functionality’ ang pila ka (ADAC) sa probisniya, isa ini sa ginatutukan sang ahensiya agud mapapas ang ilegal nga droga.
