Nagdangat sa 200,000 ang mga nagtambong sa Love Laban 2 Everyone Pride Festival nga ginhiwat sang tinalikdan nga adlaw sa Quezon City.
Suno sa gobyerno lokal sang syudad, bisan pa nga timprano pa natapos ang amo nga event sang tinalikdan nga gab-i, nangin matawhay kag malinong ang programa halin sa aga tubtob sa gab-i.
Matandaan nga wala na nadayon ang concert bangud sa ginkompromiso nga electrical kag sound system sa stage bangud sa mabunok nga pag-inulan.
Bangud diri, nagdesisyon ang organizers nga i-cancel na ang programa agud masiguro ang safety sang mga crew kag performers.
Samtang, nagpanawagan ang gobyerno lokal sa publiko nga padayunon ang programa ilabi na nga indi lamang isa ka adlaw ang Pride kag madamo pa sila nga kahigayunan nga magtililipon liwat.
Napaslawan nga malantaw sang linibo nga nagtambong ang performances nanday Vice Ganda, Gloc 9 kag BINI bangud sa pagbunok sang ulan.
