Roxas City – Wala nagapabaya ang mga opisyales sang Barangay Lanot sining siyudad sa ila nga kampanya kontra sa balatian nga dengue.
Ini ang ginpahayag ni Punong Barangay Rolando “Totong” Tuazon sang mainterview sang Bombo Radyo.
Suno kay Tuazon nga sila mismo nga mga opisyales ang nagapahanumdom sa mga pumuluyo sang kaimportansiya sang pagpaninlo sang palibot agud mapahilayo sa nasambit nga balatian.
Ginpahayag pa sini nga naga-rekorida sila kaupod ang mga Barangay Health Workers kag mga Barangay Tanod kag nagapanguna sa pagpaninlo.
May yara man ini sang isa ka konsehal nga gina-assign sa kada Sitio agud magpanguna sa pagpaninlo sang palibot.
Magluwas pa diri suno sa iya nagapatigayon man sila sang clean-up drive kada Sabado nga adlaw kag ginaimplementar man nila ang 4 o’clock habit adlaw-adlaw agud malikawan ang nasambit nga dengue.
