Ginpaandaman sang Embahada sang Pilipinas ang mga Pilipino sa Israel nga maghalong sa pagsakay sa mga pampubliko nga transportasyon kaangay sang mga bus kag tren sa tunga sang nagapadayon nga security concerns sa rehiyon.
Sa ginpaguha nga advisory sang Embahada, ginmanduan sini ang mga Pilipino sa Israel nga sa tion magbyahe sa kaiping nga lugar mahimo nga magbisikleta na lamang ukon magamit sang electric scooters ukon mas maayo nga maglakat sa mga ruta nga magamay ang tawo.
Ginabisuhan man ang mga Pilipino nga magpalayo nagikan sa Israeli security forces nga nakadeploy sa mga sensitibo nga lugar.
Kinahanglan man nga magsunod sa Israeli security forces kag Home Front Command.
Para sa nagakaigo nga assistance, mahimo nga tawgan aang mga Pilipino ang emergency hotline sang Embahada sa Tel Aviv nga +972-54-466-1188.
Mahibaluan nga ginpaguha sang Embahada ang amu nga abiso kadungan sang napagkit nga 3 ka insidente sang pagsigabong sa Bat yam city sa nabagatnan nga bahin sang Tel Aviv.
