SIGMA, CAPIZ- Nagapabilin pa sa gihapon ang mga indibidwal nga sakay sang pick-up nga nahulog sa pil-as sa Barangay Amaga, Sigma, Capiz kadungan sang pagsug-alaw sang All Saints’ Day, Nobyembre 1, 2025.
Ang mga sakay amo sanday: Roy Bagas, 50-anyos, driver kag residente sang Milibili Heights, Barangay Milibili, Roxas City, Edgardo Alcorano, 70-anyos; Maria Amelita Alcorano, 58-anyos; Armer Alcorano, 32-anyos nga lunsay mga residente sang Barangay Bato, Roxas City kag Wilmon Alinsangan, 33-anyos kag residente sang Barangay Banica, Roxas City nga lunsay mga pasahero sang amo nga pick-up.
Sa interview sang Bombo Radyo kay Police Major Marvin Balmes, Hepe sang Sigma Municipal Police Station, iya ginpahayag nga nag-angkon sang minor injuries ang mga sakay sang amo nga pick-up matapos ang nasambit nga insidente.
Suno kay Balmes, nagauwa sa ila nga imbestigasyon nga nag-swerve patuo nga bahin ang pick-up kabangdanan nga nadulaan ini sang kontrol kag bumunggo sa sementado nga poste antes nga nahulog sa pil-as.
Pahayag nya, sandig sa ila nga pagpangusisa sa mga pumuluyo sa amo nga lugar, ginapahayag nga madasig ang pagpadalangan sang amo nga pick-up.
Samtang, ginatumod pa sa subong ang kabilugan nga halit nga ginbilin sa salakyan sang amo nga insidente.
Dugang pa sang natungdan, nga sa tion nga magmaneho, pahinay-hinay lang sa pagpadalagan kag siguraduhon nga naka-kondisyon ang lawas sang driver kag ang behikulo agud nga malikawan ang aksidente sa dalanon.
Interviewed by Bombo Jessa Mae Siman De Los Santos
