Nagalaum ang mga supporter ni Former President Rodrigo Roa Duterte nga mapagwa ini sa International Criminal Court .
Ini matapos ang una nga adlaw sang confirmation of charges sa crime against humanity nga ginpasaka sang mga biktima sang war on drugs.
Suno kay Bombo John Quimque, International Correspondent direkta sa The Hague, Netherlands, iya ginpahayag nga tunga ang reaksyon sang mga tawo nga nagpadulong kag nagtinir sa guwa sang International Criminal Court .
Pahayag pa niya, wala man sang may nagluntad nga kinagamo apisar nagsumalangay ang grupo sang mga anti-Duterte kag mga supporters sang anay presidente nga nagapakita man sang pagrespeto sa pagpati sa isa kag isa.
Nahibaluan nga nagpatigayon sang Peaceful rally ang nasambit nga grupo agud ipabutyag ang tingog kag pagpangamuyo nga mag-ugyon sa anay presidente ang mangin desisyon sang pre trial chamber I
Dugang pa sang natungdan, malawig pa ang proseso nga paga-atubangon ni Duterte apang padayon sa gihapon ang pagsuporta kag paghulat sang mga ini sa pagkahilway sang ila ginakabig ‘tatay digong’.
