Nagapabilin sa kustodiya sang kapulisan ang duha ka mga utod sang whistleblower nga si Julie “Dondon” Patidongan.
Ini ang ginkumpirma ni PNP Spokesperson BGen. Jean Fajardo sa diin sila ang ginalantaw nga possible “missing link” sa kaso sang pagkadula sang mga manugbulang.
Suno kay Fajardo, ang duha amo sanday Jose kag Elakim Patidongan.
Sila ang natumod nga yara sa isa ka pungsod sa Southeast Asia kag ginpabalik sa Pilipinas sang Hulyo 22.
Ginlantaw sang kapulisan nga si Jose Patidongan ang isa sa duha ka mga lalaki nga nakit-an sa video nga nagadala kay Michael Bautista papalayo samtang nakaposas sa Santa Cruz, Laguna sang Abril 28, 2021.
Samtang si Elakim Patidongan naman ang ginapatihan nga isa sa mga nag-withdraw sa bank account ni Melbert Santos, nga ulihe nga nakit-an nga buhi sa Santa Cruz sang Enero 13, 2022.
