Nagapati si Miss International 1979 Melanie Marquez nga ang matuod-tuod nga motibo sa likod sang reklamo nga illegal detention kag torture nga ginpasaka sang driver ni Rhian Ramos batuk sa iya anak nga si Michelle Dee amo ang pag-blackmail para sa kwarta.
Sa social media post, ginpahayag ni Melanie nga nagabinutig ang driver kag ginhimo niya ang pahayag agud pakalainon sanday Michelle, Rhian, kag Samantha Panlilio.
Nagpanawagan man ang beauty queen nga pasabton kag ipapreso ang mga yara sa likod sang ginaalegar pagpakalain sa imahe sang tatlo.
Madumduman nga gin-akusahan sang driver sanday Michelle, Rhian, kag Samantha nga ginsakit kag gin-alegar ginkandaduhan siya sa condominium humalin sang Enero 17 tubtob 19 matapos gin-alegar ginkawat ang ampao nga may sensitibo lang nga litrato.
Padayon pa ang imbestigasyon sang mga otoridad sa insidente, samtang hugot naman nga ginpanginwala sang kampo sang tatlo ang alegasyon.
