Handa na si Miss Universe Philippines Ahtisa Manalo para sa Miss Universe Preliminary kag National Costume Competition nga patigayunon sa Nobyembre 19 sa Bangkok, Thailand.
Kaupod ang 120 ka mga kandidata, natapos na ni Ahtisa ang pre-pageant activities sa Phuket kag Pattaya, subong man ang closed-door interview sang Nobyembre 15.
Patigayunon ang National Costume Competition alas-2 sang hapon (Philippine Standard Time) sa Hall 2, Impact Challenger sa Nonthaburi, samtang ang Preliminary Competition ang patigayunon umpisa las 8:00 tubtob las 10:00 sang gab-i (oras sa Pilipinas) sa kapareho nga venue.
Pagasuksukon ni Ahtisa ang national costume nga obra ni Mak Tumang, kag ginaganyat niya ang mga Pilipino nga padayon nga magboto sa Miss Universe platform kun sa diin nga sa subong siya ang nagapanguna sa People’s Choice Award para sa Top 30 spot.
Natalana naman ang grand coronation night sa Nobyembre 21, kun sa diin maga-umpisa ang kompetisyon sa Top 30 kag magatakop sa evening gown competition sang Top 10.
Obra naman ni Val Taguba ang pagasuksukon nga gown ni Ahtisa.
