ROXAS CITY – Patay na sang gindala sa Roxas Memorial Provincial Hospital ang 40 anyos nga mister nga ginalegar nalumos samtang nagapaligo sa dagat sa Barangay Pawa, Panay Capiz.
Ginkilala ang biktima kay Rene Ucag, 40 anyos, residente sang Brgy. Bailan, Pontevedra, Capiz.
Base sa inisyal nga imbestigasyon sang Panay Municipal Police Station, nakit-an pa sang iya kaupdanan nga nagapaligo ang biktima apang sang ini ang nag-dive, ginapahayag nga wala na ini makabutwa.
Gintinguhaan pa sang mga himata sini nga pangitaon ang biktima apang makaligad ang kapin sa 30 minutos, nasapwan na lamang nga mayami nga bangkay ang biktima.
Ginapahayag nga yara sa idalom sang impluwensiya sang makahulubog nga ilimnon ang biktima sang natabo ang nasambit nga insidente.
PHOTO FROM WEB
