Boluntaryo nga nagsungka sa mga otoridad ang isa ka miyembro sang Communist Terrorist Group (CTG) subong nga adlaw.
Suno sa impormasyon nga nakuha sang Bombo Radyo, isa ka lider sang CTG sumugod pa sadtong 2018 ang nag- surrender sa mga otoridad sang 2nd CPMFC subong nga adlaw sa Barangay Manhoy, Dao, Capiz.
Pahayag sini nga ini ang isa ka dako nga kadalag-an para sa kalinong kag seguridad sang palibot.
Dugang pa nga nahibaluan matapos ang 17 ka tuig nga pagserbisyo bilang Squad Leader, Medic, kag Finance Officer sang SDG (Sentro de Grabidad) Platoon, nagdesisyon ang ini nga bayaan ang NPA matapos sini nga mareyalisa ang madugay na nga tion sang pagtunto sa mga pumuluyo kag paggamit sa iya sang mga NPA.
Ini ang isa ka dako man nga tikang padulong sa kalinong kag kaayuhan sang rehiyon.
