-- ADVERTISEMENT --
ROXAS CITY – Pilason ang 25-anyos nga lalaki matapos nga makabunggo sang layaw nga ido, sa Brgy. Sta. Cruz, Ivisan, Capiz.
Ginkilala ang driver sang Yamaha Sniper 155 nga motorsiklo kay Jason Unarce, residente sang Brgy. Ondoy, sa amu man nga banwa.
Sandig sa impormasyon nga nakuha sang Bombo Radyo sa Ivisan MPS, nga samtang ginasubay sang driver ang dalan nagikan sa Roxas City kag papuli sa ila barangay, sang hinali nga may nagtabok nga layaw nga ido sa nasambit nga lugar.
Bangud sini, nabungguan sini ang ido kag natigayon nga mapatay ang sapat.
Ginpadangat sang mga katapo sang Special Rescue Force sang BFP-Ivisan ang biktima sa Roxas Memorial Provincial Hospital (RMPH) para sa nagakaigonga pagbulong.
-- ADVERTISEMENT --
