ROXAS CITY – Gintaban sang wala pa makilan-an nga persona ang isa ka motorsiklo sa Barangay Culasi, Roxas City.
Ginkilala ang tag-iya kay John Lloyd Abool, isa ka estudyante kag residente sang Brgy. Baybay, sa sini nga syudad.
Sa nakuha nga impormasyon sang Bombo Radyo sa biktima, ginapahayag nga ginbilin sini ang motorsiklo lapit sa may tulay sa nasambit nga lugar sang takna alas-12:30 kaina sang kaaganhon agud magpadulong sa may punong nga kun sa diin didto ini nagatulog upod ang iya abyan.
Suno sa biktima, sang nagbalik ini sa lugar sa iya gin-parkingan, ginkakibot nalang sini sang nadiskubrehan nga wala na ang iya nga motorsiklo.
Ang nasambit nga motorsiklo ang nagaduag pula nga may itom ang disenyo.
Samtang, nagapanawagan ang biktima nga ibalik ang iya nga motorsiklo bangud ginagamit nya ini bilang service padulong sa eskwelahan.
Sa karun, ginaimbesntigahan na sang mga kapulisan ang nasambit nga insidente.
