Nabalhag nga patay sa Myanmar bangud sa linog, naglab-ot na sa masobra 1,600 

Naglab-ot na sa masobra 1,600 ang nabalhag nga patay matapos gintay-og sang mabaskog nga linog ang Myanmar sang Biyernes. 

Ang pagtay-og sang duta, naglab-ot tubtob sa Thailand nga ginkarumpag sang isa ka gina-construct nga 30-storey building sa Bangkok.

Padayon ang pag-search sang mga rescuer sa mga narumpag nga edipisyo.

Ginabulubanta sang US Geological Survey nga ang numero sang mga napatay ang posible nga maglab-ot sa 10,000. 

Samtang, nag-abot na ang una nga bulig sa iban nga pungsod matapos nagpangayo sang bulig ang ruling military government. 

Isa ka Chinese team ang nag-abot sa pungsod sang Sabado sang aga, suno sa state media, samtang ang India nagpadala sang rescue kag medical team.