Temporaryo nga ginbutang sa leave of absence ang aktres nga si Nadia Montenegro samtang gina-imbestigaran bangud sa paggamit sang marijuana sa sulod sang senado.
Ginkumpirmar sang chief of staff ni Senador Robin Padilla nga ginpahayag ni Atty. Rudolf Philip Jurado ang leave of absence sang aktres bilang isa sa mga political officer sang senador.
Ginpanginwala naman ni Jurado nga nag-resign sa posisyon ang aktres bangud sa kontrobersiya.
Ginklaro sini nga empleyado pa ini sang Senador kag ginalauman nga sabton ang incident report sang Office of the Sergeant at Arms.
Sang Agosto 13, antes pa man ang imbestigasyon nga ginpatigayon sang Office of the Sergeant At Arms (OSAA), ginmanduan na ang aktres nga mag-leave of absence.
Ginhatagan man sang Lima ka adlaw ukon tubtub Agosto 18 ang aktres agud makasumiter sang iya written explanation angut sa nasambit nga bagay.
Ginhingyo man ni Jurado ang aktres nga magpa-drug test.
