Masubo ang nangin resulta sa pagpangita sa nadula nga balo sa Angeles City, Pampanga.
Siya amo si Maria Teresa Mamac, balo kag anay punong barangay sang Balibago sa Angeles City.
Nasapwan na lang ang bangkay ni Mamac sa likod sang iya balay nga gintampokan na sang duta.
Suno kay Police Col. Joselito Villarosa, Jr., City Director sang Angeles City Police Office, apat ka adlaw man nga nadula ang ang biktima.
Pahayag sang pulis, ang lawas sang biktima ang nahamtang sa ginabanta five feet ang kadalumon sa kilid sang piggery.
Naglab-ot pa sang masobra apat ka oras sa pagpala sang duta ang SOCO antes nakuha ang bangkay ni Mamac.
Dugang pa sang otoridad, bangud sa kadalumon sang ginhukay nga duta, possible nga nakahanda na ini antes pa ginhimo sang suspek ang krimen.
May yara sang pilas sa ulo ang biktima nga possible halin sa matig-a nga butang.
Samtang, padayon naman nga ginapangita sang kapulisan ang driver sang pamilya Mamac nga ginakabig nga person of interest sa kaso.
Masobra 20 ka tuig na nga nagaserbisyo sa pamilya ang driver kag indi pa maathag subong ang motibo sang pagpatay.
Sandig sa mga testigo , ang driver ang ulihe nga nakita nga kaupod sang biktima kag siya man ang ulihe nga nakita nga nagmaneho sang salakyan.
