Patay ang isa ka nagabusong, amo man ang iya kasilingan nga nag-upod lang kuntani sa iya agud idul-ong sa ospital para makapa-check up sang nakabunggo sa ginasakyan nila nga kotse sa isa ka Multi-Purpose Vehicle nga nang-agaw sang linya sa Tagaytay City.
Sa initial nga impormasyon, natabo ang trahedya sa Bypass Road sang Barangay Zambal sa Tagaytay City .
Suno sa kapulisan, magluwas sa nagabusong kag driver nga amo ang iya kasilingan, napatay man ang isa pa nila ka upod nga lalaki nga nakasakay sa kotse.
Samtang sakay naman sang Multi-Purpose Vehicle amo ang lima ka mga bag-o graduate nga senior high school students nga yara sa edad 17 tubtob 19.
Pilason ang mga ini sang gindala sa ospital.
Sandig sa imbestigasyon sang kapulisan, ginaalegar hubog ang 18 anyos nga driver sang Multi-Purpose Vehicle nga nang-agaw sang pihak nga linya sang dalan kun sa diin yara ang kotse nga ginasakyan sang nagabusong.
Magapangatubang sang sampaw-sampaw nga kaso ang driver sang Multi-Purpose Vehicle.
