Ginganyat liwat sang National Police Commission (NAPOLCOM) si Julie “Dondon” Patidongan, nga kilala man bilang si alyas ‘Totoy’, nga magsumiter sang affidavit sa ahensiya kaangot sang iya nga mga akusasyon nga may pila ka mga pulis ang naulamid sa kaso sang mga nagkaladula nga 34 ka mga manugbulang ukon cockfight enthusiasts.
Ginsiling ni NAPOLCOM Vice Chairperson Atty. Rafael Calinisan nga mas padasigon ang proseso sa tion nga ang reklamo ma-file sa ila nga talatapan ikumpara sa iban nga mga ahensiya.
Suno sa NAPOLCOM, may yara na sila sang listahan sang mga pulis nga konektado sa kaso sang nagkaladula nga mga manugbulang sa diin nga ila ini nga ipatawag agud magpaidalom sa isa ka administratibo nga imbestigasyon.
Paathag pa ni Calinisan, apisar nga naga-imbestigar ang NAPOLCOM, mangin tagam suno sila bangud nga maskin sa diin man i-file ang kaso nga ini, sa ulihi magasaka kaga magasaka ini sa NAPOLCOM.
Samtang, gin-anunsyo man ni Justice Secretary Jesus Crispin Remulla sang Biyernes nga 15 ka mga pulis ang ginatudlo nga may kaangtanan sang mga pagpatay sa mga nagakaladula nga mga manugbulang nga ginbutang na sa “restricted duty.”
Padayon naman ang imbestigasyon sa nasambit nga kaso, kag nagalaum ang pamilya sang mga biktima nga makuha na ang hustisya ka gang oagguha sang kamatuuran hanungod sa ila sini nga mga himata.
