Nareport nga napatay bangud sa Bagyo Enteng kag Habagat, naglab-ot sa duha

Naglab-ot sa duha ang nareport nga napatay tuga sang paglaslas sang Bagyo Enteng kag Habagat.

Sa report sang National Disaster Risk Reduction and Management Council (NDRRMC), for validation pa ang numero nga nagikan sa Region 7 ukon Central Visayas kun sa diin pulo ang nabalhag nga napilasan.

Samtang, yara sa 63 indibidwal ukon 14 nga pamilya nagikan sa tatlo nga barangay sa Cebu City ang nareport nga apektado.

Nagikan sa nasambit nga numero, 43 nga tawo ang nagapabilin sa evacuation centers sa nasambit nga rehiyon.

Bangud sa malain nga tyempo, kanselado ang klase sang 143 nga mga eskwelahan sa CALABARZON kag Bicol Region.// Padayon naman nga nakabantay ang NDRRMC sa iban pa nga report nagikan sa mga apektado nga rehiyon.