Ginreport sang National Bureau of Investigation (NBI) nga wala sang record sa flight logs sang isa ka air taxi nga nagpakita sang biyahe nanday anay Ako-Bicol Party-list Representative Zaldy Co kag Sgt. Belnard Tube padulong sa Ilocos Norte agud magdul-ong sang lima ka maleta nga kwarta sa balay ni President Ferdinand Marcos Jr..
Suno kay NBI Director Melvin Matibag, gin-usisa nila ang mga flight logs halin 2023 tubtob 2025 kag wala ini sang rekord sang nasambit nga biyahe. Ang alegasyon naghalin sa affidavit sang 18 ka mga ex-marines nga ginapahayag konektado sa mga anomaliya sa gobyerno.
Ginsiling ni Matibag nga nagpagwa sila sang subpoena duces tecum sa air taxi, kag nakabaton sang dokumento nga nagapamatu-od nga wala sang paglupad nga ginakaulamiran sang duha.
