Nadugangan pa ang napagkit sang Commission on Elections (COMELEC) nga nuisance candidates para sa Senatorial race sang eleksyon sa masunod nga tuig kung sa diin naglab-ot na sa 88 ang gindeklarar sang ahensya.
Suno sa ahensya nga nag nasambit nga mga kandidato mahimo pa sa gihapon nga magpasa sang motion for reconsideration kag bukas ang komisyon agud batunon ini.
Pahayag ni COMELEC Chairman George Erwin Garcia, malapit na nga makumpleto ang delivery ukon pagdul-ong sang mga Automated Counting Machines (ACM) sa pungsod.
Mahibaluan nga sa karun, yara na sa 91.23% ang estado sang napadala nga ACMs, buot silingon 10,000 na lang ang kulang.
Subong man nga adlaw, ginpatigayon ang field testing sang mga machine sa nagkalain-lain nga mga lugar kung sa diin ini ang ginpamunuan ni COMELEC Charirman Garcia, kag ini bilang preparasyon sang komisyon para sa mock elections.
Samtang, nagpatigayon naman sang field testing ang komisyon sa Estados Unidos para sa postal, online kag internet voting nga labing una nga himuon para sa Eleksyon 2025.
