Numero sa mga napatay sa Nepal flashflood yara na sa 570; samtang 2,000 ka mga tao nagapabilin nga missing

Naglab-ot na sa 570 ang mga napatay sa pagbaha sa Nepal, samtang halos 2,000 ka mga tao ang nagapabilin nga missing.

Sa pinakaulihi nga impormasyon, 4,000 na ka tawo ang na-rescue kag mga 100 ka turista ang nakit-an.

Nagapadayon ang search and rescue operation sa lugar apang yara sa gihapon ang dako nga pagpanghangkat sa nagkalaguba nga mga kalsada kag taytay, gani indi mahapos nga malab-ot sang mga rescuer ang iban nga lugar.

Dugang pa sa problema ang mabaskog nga pag-ulan nga nagapadayon sa pila ka lugar.

Wala man ginadula sang mga otoridad ang peligro sa posible landslide bangud sa natipon nga tubig pagkatapos sang mudslide.