Nabalhag sang Philippine Statistics Authority (PSA) ang pagnubo sang numero sang mga kabataan nga tripulante ukon manupangisda sa Pilipinas.
Suno sa 2022 Census of Agriculture and Fisheries sang PSA, nagapakita ini sang mas lapnagon nga mga socio-economic nga trend sa pungsod. Gikan sang 2022, nagnubo sa 1.03 humalin sa 1.05 ang numero sang mga nagapabili nga tripulante sang 2012.
Kun sa diin, amat-amat na nga nagapangita na ang mga ini sang alternatibo nga pangabuy-anan nga nagatuga sang pagbag-o sa demographic profile sang sektor.
Pila pa sa mga gintumod nga posible nga rason sang pagbag-o amo ang mga halimbawa sang madamo nga kabataan nga Pilipino ang mas ginpili nga mag-eskwela ukon mas ginpili ang mas mataas nga kita kasubong sang pagsulod sa mga retail, manufacturing, kag services.
Isa pa sa mga nakikita nga rason, ang kakulangan man sang experience sang mga kabataan sa karon sa pagpangisda kun sa diin sa Zamboanga Peninsula kag Caraga natukiban ang pagtaas sang datos sang yara sa edad 50 pataas ang nagapakita sang dako nga nahibaluan sa pagpangisda kun sa diin nagtaas ini sang 36.4 percent.
Apisar wala pa nakita ang epekto sini sa sektor sang pagpangisda, mahimo naman ini nga makaapekto sa produksyon sang isda kag pangabuy-anan sang mga komunidad nga nagasalig lamang sa pagpangisda.
Kun magapadayon ang ini nga trend, mahimo nga ganyaton sang gobyerno kag mga stakeholder sa industriya ang paghimo sang mga bag-o nga polisiya agud manumbalik ang mga kabataan pabalik sa industriya.
