Nagtaas ang numero sang mga pamilya nga Pilipino nga nakabatyag sang gutom sadtong ulihi nga quarter sang tuig 2024.
Ini ang sandig sa datos nga ginpaguwa sang Social Weather Stations nga ginpatigayon halin Disyembre 12 tubtob Disyembre 18 sadtong nakaligad nga tuig.
Sandig sa survey, nakaeksperyenysya ang mga ini sang involuntary hunger kalakip na ang pagkagutom kag kakulangan sang pagkaon nga ila makaon.
Nagapakita ang datos sang 25.9 percent sang mga pamilya nga Pilipino ang nakabatyag sang involuntary hunger.
Ini ang mas mataas sang tatlo ka puntos halin sa 22.9 percent nga napagkit sa ikatatlo nga kwarter sang tuig 2024.
Pinakamataas man ini nga hunger rate halin sadtong Setyembre 2020 nga kasagsagan sang Covid-19 lockdowns nga naglab-ot sa 30.7 percent.
