Gin-anunsyo ang Iran’s Islamic Revolutionary Guard Corps (IRGC) nga ila nakumpiskar ang oil tanker nga amo ang Ocean Koi sa Gulf of Oman sa isa ka “special operation.”
Suno sa Iran, ang barko ginatudlo nga plano magpugong sa oil exports kag interes sang pungsod.
Nagpagwa man sang video ang Iranian state media nga nagapakita sang mga sundalo nga nagasakay sa nasambit nga barko, nga narehistro sa Barbados.
Samtang, nagpahayag ang U.S. Central Command (CENTCOM) nga ila “gin-disable” ang duha ka oil tanker nga may koneksyon sa Iran samtang nagapalapit sa mga pantalan sang Iran. Suno kay CENTCOM Commander Admiral Bradley Cooper, padayon ang U.S. blockade batok sa mga barko nga nagasulod kag nagagwa sa Iran.
Suno sa report sang Iran, napulo ang pilason sa ila nga hanay kag lima pa ang ginapangita.
Pahayag nila, nagbalos sila sa U.S. paagi sa pag-atake sa mga barko militar sa Strait of Hormuz kag sa bahin sang Chabahar.
