Daan nga hiligut-anon ang motibo sang shooting incident sa diin patay ang suspek kag pilason naman ang biktima nga nagluntad sitio Katan-Angan, Barangay East Villa Flores, Maayon, Capiz.
Ang napatay nga suspek amo si alyas Noriel 47-anyos isa ka mangunguma kag residente sang East Villa Flores Maayon Capiz.
Samtang ang mga biktima amo sanday alyas Kerwin, 28-anyos, ginahayag miyembro sang CAFGU, lunsay residente sang nasambit nga barangay.
Sa interview sang Bombo Radyo kay Police Captain Danilo Lauron, Hepe sang Maayon Municipal Police station, iya ginpahayag nga nagakatulog ang biktima sa balay sang iloy sang iya nga live-in partner sang hinali na lang nga ginwasak ang likod sang ila sini nga pertahan kag nagsulod ang suspek.
Didto gintiro sang suspek si alyas Noriel kag naigo sa iya sini tuo nga abaga.
Apang sang naagaw sang biktima ang nakaptan sini nga nga calibre 45 didto na nga naigo sa ulo ang suspek nga gintunaan sang iya kamatayon.
Sa subong, nagapabilin sa ospital ang biktima.
