Liwat nga ginpamatud-an ni Carlos Yulo ang iya talento sa patag sang gymnastics matapos nga magpasundayag ang iya una nga vault sa 2025 Artistic Gymnastics World Championships.
Sa iya tumalagsahon nga performance, nakalab-ot si Yulo sa score nga 14.866, bastante na agud makuha ang una nga pwesto kag madala pauli ang bulawan nga medalya para sa Pilipinas.
Ginhiwat ang prestihiyoso nga kompetisyon sa Jakarta, Indonesia, sa diin nagapaindis-indis ang pinakatalentado nga mga gymnast gikan sa bug-os nga kalibutan.
Apang si Yulo ang nangibabaw , kusog, kag teknik, nga nakakuha sang pagdayaw gikan sa mga judges kag mga tumalan-aw.
Samtang, madamo naman ang nasubuan sang wala nakakuha sang “go signal” si Caloy para sa isa pa ka hampang nga kuntani makahatag sa iya sang tsansa nga makarepresentar sang pungsod sa rehiyon kag sa bug-os nga kalibutan.
