Target sang Department of Transportation (DOTr) nga tapuson ang pag-demolish sang ‘Mt. Kamuning’ footbridge antes matapos ang tuig.
Ini ang ginkumpirma ni Transportation Secretary Vince Dizon, kasunod sang mando ni Presidente Ferdinand Marcos Jr. sa gilayon nga pag-demolish sa kontrobersyal nga Kamuning foodbridge.
Suno kay Dizon, nakita mismo sang Presidente ang peligro sang footbridge sa mga pedestrian, labi na sa mga senior citizen, rason nga ginmando sini ang pag-ilis sang mas matawhay kag accessible sa tawo.
Ginlaragway ni Dizon ang footbridge bilang mataas, wala sang tabon, kag delikado sa pagpanaog —labi na kun basa ang hagdan.
Una na nga ginsiling ni Dizon nga ang bag-o nga footbridge ang ipalapit sa busway stop agud mas magamit sang mga commuter.
