Nagpaguha sang desisyon ang Korte Suprema nga indi tanan nga mga sahi sang pisikal nga pagdisiplina ang isa man ka sahi sang pagpang-abusar sa mga kabataan.
Suno sa Supreme Court, ang sobra nga pagdisiplina ang indi dapat makasamad sang dignidad sang isa ka bata.
Sa ginpaguha nga 14 na pages nga desisyon, ang pagdisiplina sang mga ginikanan sa ila mga kabataan, indi dapat sang sobra, biolente kag indi tama sa ila nga paggilinahod.
Nakasaad man nga ang pagbakbak sa bata kun ini ang nakahimo sang sala, indi dapat ikabig nga child abuse.
Ang nasambit nga desisyon ang pirmado ni Associate Justice Jhosep Lopez.
Nag-ugat ang kaso sang ginpamatbatan ang isa ka amay bangud sa sobra nga pagdisiplina sa 12-anyos sini nga bata nga babayi kag 10-anyos sini nga bata nga lalaki sang 2017 kag 2018.
Ginsipa, ginsabunut kag ginbakbak pa sang kahoy ang mga bata sini bangud sa indi ang mga ini magkaon sang panyaga kag ang pagkadula sang kwarta nila nga gin-ipon.
Nakita sang SC nga sobra ang ginhimo nga pagdisiplina sang amay rason nga ginpamatbatan ini.
