Ginhinyo ni Manila 2nd District Representative Rolando Valeriano sa Commission on Audit (COA) kag Anti-Red Tape Authority (ARTA) nga maghiwat sang magkatuhay ukon magkaupod nga special audit sa Philippine Health Insurance Corporation ukon PhilHealth.
Ginatuyo sini nga matumod kun ngaman nagasablay PhilHealth sa remittances sini sa mga ospital kag sa database management.
Para kay Valeriano, ang mga nadiskubre sa 2023 audited financial statements sang PhilHealth ang bastante nga basehan agud maghiwat sang madalon nga audit ang COA kag ARTA.
Nagapanguna nga gintumod ang kulang kag sala-sala nga entry sang masobra 1.3 million benepisaryo nga magabunga sang doble ukon sulit nga enrollment sa PhilHealth Members Information System.
Ginmensyunar man ni Valeriano ang duplicate kag multiple entries para sa masobra 266,000 senior citizen members nga kabaylo sang P1.333-B nga subsidy kag pagkalakip sang masobra 4,000 nga nagtaliwan nga senior citizen members database kag billings.
Ginpuna man ni Valeriano ang kadulaan sang polisiya ukon pagsulundan sang PhilHealth sa premium contributions kag expanded benefits para sa solo parents kag person with disabilities (PWDs) rason nga wala nahahatag ang mga benepisyo sini nga ginamandu sang layi.
