Kun may yara man sang pagkaon nga pwede lutuon sa masobra 100 ka recipe ukon pamaagi, ini amo ang itlog.
Apang suno sa eksperto, kun luyag mo nga makaangkon sang instant protein boost kag enerhiya, indi mo na kinahanglan lutuon ang itlog bangud mas madamo ini sang health benefits kun kan-on nga hilaw ukon raw.
Suno kay Katherine Marengo, isa ka clinical registered dietitian sa New Orleans, sa mga indibidwal nga mahilig magkaon sang hilaw nga itlog, wala sang dapat kabalak-an bangud tuman kataas ang levels sang vitamin A kag vitamin B-12 nga yara sa raw eggs.
Manggaranon man suno sa iya sa important antioxidants nga lutein kag zeaxanthin ang itlog nga amo ang nagapalikaw sa eye-related diseases.
Pabor man suno sa dietitian sa mga magakuha sang exam ang pagkaon sang raw egg bangud mataas ang choline sang itlog nga wala pa naluto sa diin importante ini nga factor para sa masangkad nga brain function.
