Wala sang kinamatarong si Punong Barangay Ferdinand Bacanto nga liwaton ang resolosyon nga naaprubahan sa Municipal Development Council Meeting base sa chairman sang konseho nga si Mayor Receliste Escolin.
Sa interview sang Bombo Radyo kay Escolin nga indi insakto ang ginhimu ni Bacanto nga ipatawag ang mga barangay kapitan kag hambalan nga indi magpirma sa resolosyon.
Suno kay Escolin nga dapat magahalin pa una sa iya bilang chairman kung may ara sang mga liliwaton sa resolosyon.
Samtang, ginklaro man ni Escolin nga may ara sang gentlemans agreement sa term sharing nga magapungko bilang Liga President.
Dugang pa ni Escolin nga dapat nagpanaog na si Bacanto kag nagbulos na si Kapitan Kenneth Fabros sa pagka liga president, apang wala nagsunod si Bacanto.
Sa ulihi, ginpaintindi ni Escolin nga siya ang alkalde kag dapat nya ini e-respeto, nahibaluan man sini ang iya nga trabaho kag nagpasiguro nga insakto ang tanan nga ginaubra sini kag mga desisyon.
