ROXAS CITY – Magasugod na ang Commission on Elections (COMELEC) sa pagbaton sang luyag magparehistro para sa SK kag Barangay elections, sumugod Hulyo 4 tubtob 23, 2022.
Ini ang ginkumpirmar ni Atty. Wil Arceño, provincial election officer, sang mainterview sang Bombo Radyo.
Suno diri, natalana ang SK kag Barangay elections sa Disyembre 5, sini nga tuig.
Sa mga pamatan-on naga-edad 15-anyos ukon maga-15 anyos antes ukon sa Disyembre 5, 2022 ang mahimo makaparehistro sa gintalana nga petsa subong nga Hulyo, agud makaboto sa SK election.
Mahimo man nga makaparehistro ang isa ka persona sa luyag sini nga lugar, kun may anum ukon maga-anum ka bulan ang iya pagtenir sa amu nga barangay.
Magpadulong lamang sa opisina sang COMELEC sa inyo lugar, alas-8 sa aga tubtob alas-5 sa hapon, Lunes tubtob Sabado kalakip ang Holiday, para sa pagparehistro.
Magdala sang bisan ano nga valid ID kag personal ang pagparehistro.
