Nakarekord sang pagdabong nga 11.8 percent ang kabilugan nga pautang sang mga universal kag commercial banks sa mga negosyo kag manugbakal sang Hulyo, base sa una nga datos sang Bangko Sentral ng Pilipinas (BSP). Naghinay ini kun ipaanggid sa 12.1 percent nga pagdabong sang bulan sang Hunyo.
Dugang diri, matapos nga ginkonsidera ang mga pagbag-o, nagsaka sang 0.7 porsyento ang kabug-usan nga pautang sang Hulyo. Apang para sa mga yara sa pungsod, nagsaka sang 12.4 percent ang pautang halin sa 12.6 percent sang tinalikdan nga bulan.
Samtang, padayon nga naganubo ang loans sa mga yara sa iban nga pungsod sang 8.1 percent, mas dako kun ipaanggid sa 6.4 percent nga pagnubo sang Hunyo.
Ang mga pautang para sa mga business activities ang nagdabong sang 10.8 percent, mas mahinay kun ipaanggid sa 11.1 percent sang Hunyo.
Nagsaka naman ang pagpautang sa mga masunod nga sektor:
- Real estate (10.7%)
- Elektrisidad, gas, steam, at air-conditioning supply (30.3%)
- Wholesale at retail trade, pati na rin ang pagkukumpuni ng mga sasakyan (8.5%)
- Financial at insurance activities (13.1%)
- Information and communication (8.5%)
Sa pihak nga bahin, ang mga consumer loans sa mga yara sa Pilipinas, kalakip ang credit card, auto loan, kag salary loan, ang nagdabong man sang 23.6 percent, apang nagnubo ini halin sa 24 percent sang Hunyo.
Suno sa BSP, padayon nila nga ginabantayan ang hulag sang pagpautang sang mga bangko bilang importante nga bahin sang pagpatuman sang monetary policy.
Ginasiguro naman sang BSP nga magapabilin nga nagasanto ang kondisyon sang domestic liquidity kag bank lending sa katuyuan sini nga mapabilin ang kabakod sang presyo kag hulag sang kwarta sa pungsod.
