Kadungan sa pagsaulog sang malinong kag matawhay sang kalag-kalag 2024, nagtingub sang pwersa ang mga katapo sang Sigma Municipal Police Station, Bureau of Fire Protection- Sigma, Local Government Unit (LGU), Municipal Disaster Risk Reduction Office (MDRRMO) kag Force Multiplier sa pag-monitor sa pribado kag pampubliko nga sementeryo sa banwa sang Sigma.
Sa interview sang Bombo Radyo kay PCPT. Mark Anthony Garcia, hepe sang Sigma PNP, ginpahayag sini humalin sang nagsugod ang pag-deploy sang mga kapulisan sang Oktubre 31 tubtob Nobyembre 2, nangin malinong ang pagsaulog sang Undas 2024 sa banwa sang Sigma.
Dugang pa sini, nangin matawhay man ang dalagan sang trapiko sa lugar kag wala man sang may nabalhag nga nangin problema.
Wala man sang may nabalhag nga nakuhaan sang mga ginadumilian nga pagkabutang bangud bag-o palang magsugod ang Undas, naghatag na ini sila sang mga pahanumdom sa mga pumuluyo.
Nagapasalamat naman si Garcia sa mga pumuluyo bangud sa pag-kooperar sang mga ini sa mga otoridad kadungan sa pagsaulog sang Undas 2024.
