Pagtaas sang foreign investors, lauman matapos makakas ang Pilipinas sa ‘grey list’

Ginalauman na sang Securities and Exchange Commission (SEC) ang pagdamo sang mga foreign businesses nga magaparehistro sa pungsod.

Ini ang kasunod sang pagkakas sang Pilipinas gikan sa listahan sang madata nga money laundering kag terrorism financing.

Ginpahayag ni SEC chairman Emilio Aquino, nga mahimo nga madoble ang mga negosyo gikan sa iban nga pungsod ilabi na kag mabalitaan ang pagkakas sang Pilipinas sa ‘grey list’.

Gin-athag man sini nga halin pa sadto madamo na sang mga foreign companies ang nagparehistro sa ila nga opisina. Base sa listahan sang SEC sang Foreign Investment Registration Station nga ginlunsyar sadtong 2023, naglab-ot na sa 10,000 ka  kumpanya ang nagparehistro.