ROXAS CITY – Wala naglaum ang mga barangay opisyal sang Tapulang, Maayon, Capiz nga magkadto kag magtinir ang miyembro sang New Peoples Army (NPA) sa ila barangay.
Sa interview sang Bombo Radyo kay Punong Barangay Juvie Dadoy Deocampo, ginpahayag sini nga ang Sitio Insiwalan sa ila barangay ang madamo na sang panimalay nga nagatindog kag mga pumuluyo nga nagaistar, may panimalay man ang iya isa ka barangay kagawad nga amu ang iya ginasaligan nga nagamonitor sa amu nga Sitio.
Wala man suno diri sang record ang ila barangay nga may nadakpan nga NPA ukon nagkaengkwentro sa tunga sang militar kag rebelde.
Pahayag pa ni Deocampo nga nakibot nalang sila sang ginpahibalo sila sang mga kapulisan nga may serbihan sila sang warrant of arrest nga NPA sa ila barangay.
Nagpatigayon naman sang orientation ang mga militar sa mga pumuluyo kasunod sang pagkaaresto kay Francisco Balois ukon Ka Tonying.
