Gin-anunsyo sang Presidential Communications Office (PCO) nga ila ginamonitor ang gulpyada kag koordinado ng “surge” sang sala nga impormasyon natuhoy sa ikaayong-lawas ni President Ferdinand Marcos Jr.
Suno kay Communications Secretary Dave Gomez, may mga post nga nagasiling nga may stage 4 cancer si Marcos kag yara sa private hospital, subong man ang ginapahayag paggamit sang daan nga laragway sang media agud ipakita siya nga mabaskog.
Pahayag ni Gomez, dokumentado sang PCO ang tagsa ka post kag komentaryo kag plano nga magpasaka sang kaso batuk sa mga nagapalapta sang sala nga balita sa labing madali nga panahon.
Ginsambit man sang Palasyo nga ang timing sang disinformation ang makaduluda, kadungan sang pagtutok ni Marcos sa pagpanubo sang epekto sang taas-presyo sang langis sa pungsod.
Ginpanginwala ni Marcos ang mga akusasyon kag ginsigurado nga siya ang nagbalik sa normal nga routine matapos nga ma-diagnose sang diverticulitis sang una nga bahin sang 2026.
