Pamilya Advincula nagapangasubo matapos nga gintupok sang kalayo ang panimalay sa banwa sang Tapaz, Capiz

ROXAS CITY – Nagapangasubo ang tag-iya sang panimalay nga human sa light materials matapos nga totally burned sa Sitio Agpipili, Barangay San Nicolas, Tapaz, Capiz.

Ang nasambit nga balay ginapanag-iyahan nanday Efren Advincula 42-anyos kag Jenny Gardose Advincula 39-anyos kag may yara sang pito ka mga kabataan.

Base sa nakuha nga impormasyon sang Bombo Radyo nga nagauling ang duha sini ka mga kabataan kun sa diin ang ginhaw-as nga uling ang ginbutang malapit sa ila balay rason nga nalab-ot ini sang kalayo.

Bangud diri, ginabulubanta nga nagalab-ot sa P150,000 ang nangin kahalitan sang sunog.