ROXAS CITY –Lubos ang pagpasalamat sang pamilya sang isa ka Pinay Overseas Worker bangud sa daku nga nabulig sang Bombo Radyo Roxas agud mapalab-ot sa natungdan nga ahensiya sang gobyerno ang pagkadula sini anum ka bulan na ang nakaligad.
Sa mensahe nga ginpalab-ot ni Diday Parcon Egido pakaisa ni Roselyn Parcon, gintumod sini ang gilayon nga aksyon sang Bombo Radyo agud makita ang ila nga pakaisa.
Suno diri nga nagpalagyo ang biktima sa balay sang iya employer bangud nabatyagan sini nga may malain nga plano sa iya ang utod nga lalaki sang iya nga employer.
Matandaan nga nagpangayo sang bulig sa Bombo Radyo ang mga malapit nga abyan kag pamilya ni Roselyn Parcon matapos ini nga madula sang bulan sang Agosto sang nagligad nga tuig.
Sa karon ginahulat na lamang nga matapos ang mga papeles sang biktima para makabalik na ini sa Pilipinas.
