Panahon sang tig-ululan sa Pilipinas, nagsugod na – PAGASA

Gin-anunsyo sang Philippine Atmospheric, Geophysical and Astronomical Services Administration (PAGASA) ang pagsugod sang tig-ululan.

Suno sa PAGASA, ginbase nila ang anunsyo sa pinakaulihi nga weather analysis kag rainfall data gikan sa nagkalain-lain nga data gathering stations.

Gindugang pa sang PAGASA nga sa nakaligad nga lima ka adlaw, naka-record sila sang malapnagon nga pag-ulan bangud sang Southwest Monsoon ukon Habagat nga senyales sang pagsugod sang tig-ululan sa nabagatnan nga bahin sang Luzon kag Visayas.

Panawagan sang PAGASA sa publiko nga maghalong sa epekto sang tig-ululan kag Southwest Monsoon.