Ginhatagan pagtamod ni Kamanggagawa Party-list Representative Eli San Fernando ang kinahanglanon sang uniform minimum wage sa bug-os nga pungsod, nga suno sa iya isa ka tikang padulong sa mas makatarunganon kag inklusibo nga ekonomiya.
Sa ginpatigayon nga hearing sang Senate Committee on Labor, Employment and Human Resources Development, ginpakamalaut ni San Fernando ang subong nga regionalized wage system, sa diin daku ang wage gap sa tagsa ka rehiyon.
Para sa mamalidha, pareho lang ang trabaho gani dapat pareho lang ang sweldo sa Manila kag sa mga probinsya.
Una diri, ginduso ni San Fernando ang paghimo sang national minimum wage policy nga magatalana sang alalangay nga sweldo para sa tanan nga mamumugon, ano man nga lokasyon.
Suno sa iya, indi dapat base sa geographical location ang sweldo kundi sa dignidad sang trabaho.
