Dako nga kaalarma ang nabatyagan sang Punong Barangay sang barangay Baybay sa gulpi nga pagtaas sang kaso sang dengue subong nga bulan.
Sa interview sang Bombo Radyo kay Punong Barangay Erwin Oroceo, ginpahayag sini sa pagsugod sang tuig tubtob sa nakaligad nga bulan yara lamang ini sa 11 ka mga kaso sang dengue ang nabalhag sa ila barangay apang sa liwat sini nga pagtsekyar sa ulihi nga datos yara na ini sa 27 ka kaso.
Suno sa iya, tuman na kadelikado sa posible halit sang mga lamok nga nagadala sang bacteria bangud bisan pa sa malimpyo nga tubig may yara.
Pahayag pa kay Oroceo, nakahulag naman ang ila talatapan agud aksyunan ang nakasaka nga kaso sa ila barangay.
Gintuad man sini kun ano nga sitio ang nakabalhag sang mga kaso sang dengue kag kalabanan sa ini ang suludlon kag madamu sang pamalay.
Panugyan sang amo nga Punong Barangay nga maghalong kag ementinar nga malimpyo ang palibot.
