Ginapasiguro ni Pangulong Ferdinand Marcos Jr. sa mga concerned agencies nga prayoridad nga mahatagan sang bulig ang mga isolated areas bangud sa Kalamidad.
Sa situation briefing sa National Disaster Risk Reduction and Management Council ukon NDRRMC, ginsiling ni PBBM nga importante ang papel kag padayon ang suporta sang Department of Social Welfare and Development (DSWD) agud masiguro ang epektibo nga relief operations.
Suno diri, importante man ang pagpakig-angut sa Office of Civil Defense ukon OCD agud mahatagan sang pagtamud ang mga lugar nga pila na ka adlaw nga wala nakabaton sang bulig.
Ginmando man sang PBBM, ang gilayon nga pagpreparar kag pagdul-ong sang kinahanglanon nga bulig sa mga kritikal nga lugar.
Magluwas diri, ginsiguro man sini ang bulig sa mga indibidwal nga yara sa guha sang mga evacuation centers kag nagpanawagan sang padayon nga pagtimakas agud masabat ang tanan nga ila kinahanglan.
