Nagpahayag sang iya nga pagpasalamat si Presidente Ferdinand Marcos Jr.,sa kontribusyon sang Philippine Army sa national defense, constitutional integrity, kag public safety kasunod sa pagsaulog sang ila nga ika-128 nga Founding Anniversary.
Ginhatagan pagtamud ni Presidente Marcos ang kaisog, kalig-on, kag dedikasyon sang mga suldado para sa isa ka mas hilway, mas lig-on, kag mas nagkakaisa nga pungsod para sa mga masunod nga henerasyon.
Sa speech sang Presidente, nagakadapat lamang nga kilalahon ang mga suldado sa ila nga kaisog kag kalig-on ilabi na kun naatubang sa mga pagtilaw.
Pahayag sang Presidente nga ang mga suldado ang kinahangalan nga may panindugan nga wala nadulaan paglaum sa mga pagtilaw kag ang matuod nga sukatan amo ang kahandaan nga ipaiway ang kaugalingon nga interes para sa mas mataas nga tinutuyo.
Suno pa nga kinahangalan nga mangibabaw man ang tinutuyo nga mag-angkon sang pagkaisa, mas makatarungan para sa mas matawhay nga pungsod.
