Gin-ako ni President Ferdinand Marcos Jr. nga na-pressure si Pastor Apollo Quiboloy bangud sa presensiya sang mga otoridad sa ginapanaguan sini.
Bangud sini, napilitan si Quiboloy nga mag-surrender, apang ginhinyo sini nga mga suldado gikan sa ISAFP ang magakuha sa iya bangud wala ini sang salig sa mga kapulisan.
Suno kay PBBM, updated siya sa nagakahitabo kay Quiboloy rason nga nagpasugot ini nga suldado ang magakuha sa iya.
Ginsiguro sang presidente nga wala sang special treatment sa KOJC leader.
Ginpamangkot man sa presidente kun may request na ang US para sa extradition ni Quiboloy.
Suno sa Presidente sa karon, indi pa prayoridad ang extradition ni Quiboloy.
Dugang pa sini, pagatutukan sa karon ang mga kaso nga ginapangatubang sang pastor sa pungsod.
