PBBM kag FL Liza Marcos, nagselebrar sang anibersaryo sa Rome, Italy, antes nagbalik sa Pilipinas

Nagsaulog sang 32nd wedding anniversary sanday President Ferdinand Marcos Jr. kag First Lady Liza Araneta-Marcos sa Rome, Italy antes nagbalik sa Pilipinas subong nga adlaw.

Matandaan nga ginkasal ang First Couple sa Italy sadtong April 17, 1993.

Sa social media, ginpakigbahin sang First Lady ang laragway sang ila nga post-anniversary candle light dinner kun sa diin ginsorpresa man sila sang mga staff sang restaurant.

Samtang, ginpabugal man sang First Lady ang bag nga himo sa Marikina nga iya bitbit samtang ara sa Roma.

Nagpadulong sa Roma ang First Couple matapos nagtambong sa lubong ni Pope Francis kag ginalauman nga magaabot na sa Pilipinas subong nga aga.