Liwat naman nga nagpanawagan ang pamilya ni Mary Jane Veloso kay Presidente Ferdinand Marcos Jr nga hatagan sang clemency si Mary Jane Veloso nga preso bangud sa drug trafficking.
Ginpanindugan sang iloy ni Mary Jane Veloso nga si Celia Veloso nga madugay na nga napreso ang iya bata kag nahibaluan sini nga biktima lang ini, gani nagalaum sila nga mahatagan ini sang clemency antes ang paskwa agud maka-updanay ang bug-os nga pamilya subong man ang iya mga kabataan.
Samtang, nag-apelar man sa Korte Suprema ang ginikanan ni Mary Jane Veloso nga padasigon ang resolbasyon sang kaso nga iya ginpasaka batuk sa iya mga recruiters.
Madumduman nga nagpasaka sang kaso nga human trafficking, illegal recruitment kag estafa si Veloso batok sa illegal recruiters nga sanday Maria Cristina Sergio kag Julius Lacanilao.
Suno sa National Union of People’s Lawyers, ginhingyo nila sa SC nga magdesisyon sa motion nga padayunon ang mga kaso.
Matandaan nga pagkatapos sang halos 15 ka tuig nga pagkapreso sa Indonesia, nagpasugot ang gobyerno sang amo nga pungsod nga isaylo ang kustodiya ni Veloso sa Pilipinas sang Disyembre 2024. Ginpabilin ni Veloso nga inosente ini sa mga panumbungon batok sa iya.
