Naghiwat sang aerial inspection si Presidente Ferdinand Bongbong Marcos Jr. sa may bahin sang floodway sa Rizal nga isa sa mga lugar nga pinaka apektado sang nag-agi nga super typhoon Carina kag Habagat.
Pagkatapos ini sang ginhiwat nga situation briefing sang Presidente sa banwa sang Mauban sa Quezon Province.
Gin-usisa man sang Presidente ang sitwasyon sang mga residente sa San Mateo, Rizal kag gindungan naman ang pagpanghatag sang family food packs.
Sa rekord sang Public Information Office sang San Mateo, nagdangat sa masobra 13 thousand individual ukon masobra tatlo ka libo nga pamilya ang nagapabilin sa mga evacuation sa ila nga lugar.
Nahibaluan naman nga nagsaka na sa syam ang numero sang mga napatay sa CALABARZON bangud sa paglaslas sang Carina kag Habagat.
