Naghiwat sang aerial inspection si Presidente Ferdinand Marcos Jr. sa Ilocos Norte.
Ini agud makita ang lapnagon nga halit nga ginbilin sang bagyong “julian” sa home province sini.
Sa nasambit nga inspeksyon, nakita sang Presidente ang epekto sang bagyo kalakip ang mga nag-apaw nga suba.
Samtang, gin-inspeksyon man ni marcos ang gabu dike nga ginsamad sang bagyo.
Ginpangunahan man sang presidente ang situation briefing sa kapitolyo sang Ilocos Norte sa Laoag City, kun sa diin iya nga ginpasiguro ang nagakaigo nga bulig sa mga apektado nga lugar kag residente.
Naghatag man ang Presidente sang P100 million nga cheke halin sa Office of the President, bilang bulig sa gobyerno sa Ilocos Norte.
Matandaan nga isa man ang Ilocos Norte ang ginlaslas sang Bagyong Julian.
Samtang, gintumod man ni PBBM ang siltation bilang nagapanguna nga ginatunaan sang pagbaha sa Ilocos Norte sa pagpanglaslas sang nasambit nga bagyo.
Sa situation briefing sa Laoag City, ginsiling sang presidente nga ang pagiging mababaw sang mga suba ang ginatunaan sang mga pagbaha kag halit sa iya nga home province, kalakip na ang na ang nasamad nga Gabu dike.
Aminado man si Marcos nga ginalauman nga madugayan bag-o masolusyonan ini.
Sa pihak nga bahin ginsiling man sang Presidente nga magapangita ini sang dako nga kumpanya nga makabulig agud upang maukay kag mapadalom ang mga suba kag posible man nga maga-import ang pungsod sang dako nga makinarya sa China ukon Taiwan.
Pahayag naman ni DPWH Secretary Manny Bonoan nga mabakal ang mga ini sang dugang nga dredging equipment sa 2025 kag pagalimpyuhan man ang mga debris nga nakabara sa sabo dams nga nagasawo sa tubig-ulan.
